Qəzaya uğrayan “General Həzi Aslanov” tankerində itkin düşmüş dənizçilərin axtarışları davam edir
Moskva, 25 oktyabr, AZƏRTAC
Rusiyanın “General Həzi Aslanov” neft daşıyan tankerində partlayış zamanı itkin düşmüş 3 dənizçinin axtarışları davam etdirilir.
AZƏRTAC xəbər verir ki, axtarışlar suda və havada helikopterlər vasitəsilə aparılır. Partlayış nəticəsində dənizçilərin suya düşdüyü ehtimal olunur.
Xatırladaq ki, oktyabrın 24-də Rusiyanın Azov dənizində üzən “General Həzi Aslanov” neft tankerində iki partlayış baş verib. Gəmidəki 13 heyət üzvündən 10-u xilas edilib, 3-ü itkin düşüb.
Tanker “Qafqaz” limanından Rostov limanına doğru hərəkət edirdi. İlkin məlumata görə, tankerdə yük olmayıb, partlayış neft məhsullarının buxarından yaranıb. Hazırda tanker Krasnodar diyarının İlyiç yaşayış məntəqəsi rayonuna gətirilib və sahibinə, Türkiyənin “Palmali Shipping Agency” şirkətinə qaytarılması məsələsi müzakirə olunur.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır