Neft nəhəngi “ConocoPhillips” “Concho”yu 9,7 milyard dollara alır
Bakı, 19 oktyabr, AZƏRTAC
Neft bazarındakı iqtisadi şərtlər şist nefti istehsal edən şirkətləri birləşməyə məcbur edir. Belə ki, ABŞ-ın “ConocoPhilips” şirkəti 9,7 milyard dollar müqabilində “Concho Resources” şirkətini alır.
AZƏRTAC xəbər verir ki, bu, cari ilin əvvəlindən enerji tələbatının azalmasından bəri əldə olunan ən böyük şist nefti sövdələşməsidir. Bu da ABŞ-ın ən məhsuldar neft yatağında daha çox qazma işlərinin aparılacağı deməkdir.
“ConocoPhilips”dən bildirilib ki, investorlar bu razılaşma çərçivəsində hər bir “Concho” səhmi üçün 1,46 “Conoco” payı alacaq.
Bu birləşmə ilə “ConocoPhilips” Qərbi Texasın “Permian” hövzəsindəki ən böyük şirkətlərdən biri olacaq, “Occidental Petroleum” və “Chevron” kimi şirkətlərlə rəqabət apara biləcək.
Qeyd edək ki, mərkəzi ofisi Hyustonda yerləşən “ConocoPhilips” 7 milyard dollarlıq nağd pul vəsaiti ilə neft bazarındakı böhranından çıxa bilib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır