“Qarabağ”ın rəqibi “Sivasspor” itki ilə üzləşib
Bakı, 19 oktyabr, AZƏRTAC
Ağdamın “Qarabağ” klubunun UEFA Avropa Liqasının I qrupundakı rəqiblərindən olan Türkiyənin “Sivasspor” komandası itki ilə üzləşib.
AZƏRTAC xəbər verir ki, komandanın yarımmüdafiəçisi Erdoğan Yeşilyurt Super Liqanın V turunun “Kayserispor”la səfər oyununda (3:1) zədələnib.
Topuğundan zədə alan 27 yaşlı futbolçunun 3 həftədən sonra yaşıl meydanlara dönəcəyi bildirilib. Beləliklə, təcrübəli oyunçu Avropa Liqasının üçüncü turunda noyabrın 5-də evdə “Qarabağ”la keçiriləcək görüşü buraxacaq.
Qeyd edək ki, qarşılaşma Bakı vaxtı ilə 21:55-də başlayacaq.
Konfrans Liqasında ilk finalçı bəlli olub
“Paris 2024” Yay Olimpiya Oyunlarının məşəli Marselə gətirilib
Azərbaycan Basketbol Liqası: “Xəzri” seriyanın ilk oyununda qalib gəlib
Lisenziya turniri: Azərbaycan güləşçilərinin ilk rəqibləri bəlli olub
Azərbaycan Premyer Liqasında XXXV turun oyun cədvəli açıqlanıb