Liviyalı diplomat: Biz Azərbaycan xalqının yanındayıq
Gəncə, 17 oktyabr, M.Əlioğlu, foto İ.Cəfərov, AZƏRTAC
Gəncədə həlak olanların ailələrinə, Azərbaycan hökumətinə dərin hüznlə başsağlığı verirəm. Onlara Allahdan rəhmət, yaxınlarına səbir diləyirəm.
AZƏRTAC-ın bölgəyə ezam olunmuş müxbiri xəbər verir ki, bunu Liviyanın Azərbaycandakı müvəqqəti işlər vəkili Əşrəf Adəm Gəncədə yerli sakinlərlə görüşdə söyləyib.
“Mənim ölkəm də terrordan əziyyət çəkir. Müharibədən əziyyət çəkən ölkənin vətəndaşı kimi qeyd edirəm ki, biz Azərbaycan xalqının yanındayıq. Bu müharibədə biz Azərbaycan xalqını dəstəkləyirik. Biz sizinlə həmrəyik. Bu hadisəni qəti şəkildə pisləyirik”, - deyə Əşrəf Adəm bildirib.
Qeyd edək ki, Ermənistan silahlı qüvvələrinin oktyabrın 17-də Gəncənin mərkəzi hissəsinə raket zərbəsi nəticəsində ilkin məlumata görə, 14 nəfər həlak olub, 55-dən artıq şəxs yaralanıb, çoxsaylı mülki infrastruktur obyektlərinə, nəqliyyat vasitələrinə külli miqdarda ziyan dəyib. Həlak olanlar və xəsarət alanlar arasında azyaşlılar, qadınlar və qocalar da var. İki uşaq itkin düşüb, axtarış-xilasetmə əməliyyatları davam edir.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib