Bakı, 16 oktyabr, AZƏRTAC

“ZMI” şirkəti dünyada ilk 120 vatlıq enerjidoldurma qurğusunu təqdim edib. Bundan başqa, yeni akkumulyatorun tutumu böyükdür və müasir “USB Type-C” konnektorları ilə təchiz edilib.
AZƏRTAC xarici saytlara istinadən xəbər verir ki, yeni akkumulyatorun tutumu 25000 milliamper/saat təşkil edir. Konnektorlarından biri 120 vattadək, digəri isə 45 vattadək olan smartfon və başqa qurğuları enerji ilə doldurmağa imkan verən iki “USB Type-C” konnektoru ilə təchiz edilib. Enerjidoldurma qurğusunun özünü gücü 65 vattadək olan adapterlə 2 saat ərzində tam doldurmaq olar.
Yeni qurğunun satışa çıxarılma tarixi hələ elan edilməyib, amma qurğunun dəyərinin 60 dollar olacağı məlumdur.