XİN: Türkiyə Beyruta yardım göndərib
Ankara, 5 avqust, AZƏRTAC
Türkiyə tərəfi Beyrutda baş vermiş güclü partlayışla bağlı Livan xalqının zəruri ehtiyaclarını qarşılamaq və fəlakət bölgəsindəki insanlara kömək məqsədilə yardım göndərib.
AZƏRTAC xəbər verir ki, bu barədə Türkiyə Xarici İşlər Nazirliyinin sözçüsü Hami Aksoy məlumat verib. H.Aksoy bildirib ki, Prezident Rəcəb Tayyib Ərdoğanın tapşırığı əsasında Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyinin (AFAD) və Qızıl Ay Cəmiyyətinin heyətləri fəlakət bölgəsinə yardıma gedib. Türkiyə xilasedici dəstələr, təcili tibbi yardım briqadası, səhra xəstəxanası, tibbi ləvazimat və s. ilə humanitar dəstək verəcək.
Qeyd edək ki, Beyrutdakı məlum partlayışda yaralananlardan altı nəfərin Türkiyə vətəndaşı olması müəyyən edilib.
Sabir Şahtaxtı
AZƏRTAC-ın xüsusi müxbiri
Ankara
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır