Hindistanda son 11 gündə COVID-19-a yoluxma sayı 20 mindən çox olub
Pekin, 13 iyul, AZƏRTAC
Hindistanda ötən sutka ərzində COVID-19 infeksiyasına rekord sayda - 28 min 701 yoluxma qeydə alınıb. Bununla da ölkədə ümumi yoluxma hallarının sayı 878 min 254 nəfərə çatıb
AZƏRTAC Hindistanın Federal Səhiyyə Nazirliyinin açıqlamasına istinadla xəbər verir ki, ardıcıl 4 gündür Hindistanda gündəlik yoluxma sayı 26 mindən, son 11 gündə isə 20 mindən çox olub. Ötən sutka COVID-19 səbəbindən 500 ölüm baş verib. Bununla da Hindistanda pandemiya qurbanlarının sayı 23 min 174-ə yüksəlib.
Nazirlik virusa yoluxanların təxminən 63 faizinin sağaldığını açıqlayıb. COVID-19 infeksiyasına yoluxmanı müəyyən etmək üçün gündəlik test edilənlərin 7,44 faizinin cavabı müsbət çıxır.
Qeyd edək ki, Hindistan COVID-19 virusuna yoluxanların sayına görə, ABŞ və Braziliyanın ardından 3-cü sıradadır. Ən pis vəziyyət Maharştra və Tamil Nadu ştatlarında, paytaxt Dehlidədir. Bu bölgələrin hər birində ümumi yoluxma sayı 100 mindən yuxarıdır.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır