COVID-19: Fransada koronavirusdan 29 minə yaxın ölüm qeydə alınıb
Paris, 31 may, AZƏRTAC
Fransada COVID-19 epidemiyası 29 minə yaxın can alıb. Ölkədə epidemiya başlayandan 18 439 ölüm faktı xəstəxanada, 10 327-si isə qocalar evlərində qeydə alınıb.
AZƏRTAC xəbər verir ki, son 24 saat ərzində ölkədə 54 ölüm faktı qeydə alınıb. Xəstəxanalara yerləşdirilmiş 14 380 koronavirus xəstəsindən 1 361-i reanimasiya şöbələrindədir. Son sutka ərzində xəstəxanalara 227 yeni xəstə qəbul edilib.
Fransada son bir sutka ərzində 1828 yoluxma faktı olmaqla ümumilikdə 151 496 insanın yeni koronavirusa yoluxduğu təsdiqlənib.
Mayın 11-dən təcridolma rejimindən tədricən çıxmağa başlayan ölkədə 109 yeni qrup yoluxması aşkarlanmasına baxmayaraq, epidemiyanın yenidən baş qaldıracağı hesab edilmir.
Şəhla Ağalarova
AZƏRTAC-ın xüsusi müxbiri
Paris
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır