Avstraliyada koronavirusun yayılma sürəti aşağı düşüb
Tokio, 8 aprel, AZƏRTAC
Avstraliyada COVID-19 koronavirusun yayılma sürəti 2 faizədək aşağı düşüb. AZƏRTAC xəbər verir ki, bu barədə Avstraliyanın Səhiyyə naziri Qreq Hant aprelin 8-də keçirilən mətbuat konfransında məlumat verib.
Nazir əlavə edib ki, bu tendensiya artıq üç gündür müşahidə olunur. Bununla yanaşı, Q.Hant bu göstəricinin hər an arta biləcəyini də deyib. Nazir qeyd edib ki, bu uğurun əldə saxlanması üçün lazım olan bütün addımlar atılır.
Qeyd edək ki, son məlumatlara görə, Avstraliyada artıq 313 min nəfərdə koronavirus testləri keçirilib. Nazir əlavə edib ki, ölkədə virusun yayılma sürətinin aşağı düşməsinə sərhədlərin bağlanması mühüm təsir göstərib. İndi əsas vəzifə virusun ölkə daxilində yayılmasını tam nəzarətə almaqdır.
Əlavə olaraq bildirək ki, son məlumatlara əsasən Avstraliyada 5977 nəfər koronavirusa yoluxub və onlardan 49 nəfəri ölüb.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır