Avstriyada ilk dəfə koronavirusdan sağalanların sayı yoluxanlardan çox olub
Vyana, 5 aprel, AZƏRTAC
Avstriyada ilk dəfə koronavirus infeksiyasından sağalanların sayı yoluxanların sayını üstələyib.
AZƏRTAC xəbər verir ki, aprelin 4-də 24 saat ərzində yeni yoluxma hallarının sayı 354, sağalma hallarının sayı isə 485 olub. İndiyədək sağalanları və infeksiyadan dünyasını dəyişənləri çıxdıqda, bu ölkədə aktiv yoluxma hallarının sayı 8832 nəfərə düşüb.
Avstriya Səhiyyə nazirliyi virusa yoluxma tendensiyanın aşağı həddə davam etməsi və hazırda gündəlik artımın 4,4 faizə düşdüyünü elan edib. Eyni zamanda, qeyd edilib ki, müsbət tendensiya arxayınlığa əsas vermir və əhali bundan sonra da məhdudiyyətlərə ciddi şəkildə əməl etməlidir.
Qeyd edilməlidir ki, ölkə üzrə yoluxma hallarının sayı 11665 nəfərə bərabərdir, hazırda 1071 pasiyent xəstəxana, digərləri isə ev şəraitində müalicə alır.
Elgün Niftəli
AZƏRTAC-ın xüsusi müxbiri
Vyana
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır