Balakəndə karantin rejiminin tələblərinə nəzarət məqsədilə 25 mobil qrup yaradılıb
Balakən, 4 aprel, Mustafa Dadaşov, AZƏRTAC
Koronavirus (COVID-19) pandemiyasına qarşı mübarizə tədbirləri çərçivəsində Nazirlər Kabineti yanında Operativ Qərargahın qəbul etdiyi qərarlara uyğun olaraq, Balakən rayonunda xüsusi karantin rejiminin tələblərinə riayət edilməsinə nəzarət gücləndirilib.
Rayon icra hakimiyyəti yanında yaradılan qərargahdan AZƏRTAC-ın bölgə müxbirinə bildirilib ki, icra hakimiyyəti aparatının məsul əməkdaşları, inzibati ərazi dairələri üzrə nümayəndələr və bələdiyyə üzvlərindən ibarət 25 mobil qrup gündəlik olaraq əhali arasında maarifləndirici təbliğat işləri aparır. Rayon rəhbərliyi, həmçinin mobil qrupların üzvləri küçələrə çıxan sakinlərlə profilaktik söhbətlər apararaq, rayon ərazisində koronavirus infeksiyasının geniş yayılmasının qarşısının alınması məqsədilə xüsusi karantin rejiminin qaydalarına ciddi riayət olunmasının vacibliyini onların diqqətinə çatdırırlar.
Rayon rəhbərliyi, eyni zamanda, xüsusi karantin rejimində fəaliyyətlərinə icazə verilmiş həyati əhəmiyyət daşıyan bir sıra sahibkarlıq subyektlərində və şəhərin küçələrində koronavirus infeksiyası ilə mübarizə çərçivəsində aparılan dezinfeksiya tədbirləri ilə də maraqlanıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib