Şirvan şəhərində yerli sahibkarın təşəbbüsü ilə tibbi maskaların tikilməsinə başlanılıb
Şirvan, 3 aprel, Mahir Babayev, AZƏRTAC
Şirvan şəhərində yerli sahibkarın təşəbbüsü ilə tibbi maskaların tikilməsinə başlanılıb.
Bu barədə AZƏRTAC-ın bölgə müxbirinə Şirvan Şəhər İcra Hakimiyyətindən məlumat verilib.
Koronavirus infeksiyasının sürətlə yayıldığı bir zamanda fərdi qoruyucu vasitələrə, xüsusən tibbi maskalara ehtiyac kəskin şəkildə artdığından Şirvan şəhərində fəaliyyət göstərən apteklərdə tibbi maska çatışmazlığı hiss olunur.
Bunu nəzərə alaraq, Şirvan Ticarət Mərkəzində çalışan dərzilər təqdirəlayiq bir təşəbbüslə çıxış ediblər. Onlar koronavirus pandemiyası ilə mübarizəyə töhfə vermək məqsədi ilə tibbi maskaların tikilməsinə başlayıblar.
Gün ərzində 300 ədəd tibbi maskanın tikilməsi nəzərdə tutulub.
Tibbi maskalar aztəminatlı ailələrə və şəhər ərazisində təmizlik və dezinfeksiya işləri ilə məşğul olan işçilərə paylanacaq.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib