Xatirə Muzeyində Xocalı soyqırımına həsr olunmuş ingilis dilində açıq dərs
Naxçıvan, 20 fevral, AZƏRTAC
Naxçıvan şəhərində yerləşən Xatirə Muzeyində “Naxçıvan” Universitetinin Xarici dillər fakültəsinin tələbələrinə Xocalı soyqırımının 28-ci ildönümünə həsr olunmuş ingilis dilində açıq dərs keçilib.
Universitetin mətbuat xidmətindən AZƏRTAC-ın Naxçıvan bürosuna bildirilib ki, əvvəlcə tələbələrə mədəniyyət müəssisəsi haqqında ətraflı məlumat verilib. Bildirilib ki, 1997-ci ildə Naxçıvan Muxtar Respublikası Ali Məclisinin Sədri Vasif Talıbovun Sərəncamı ilə yaradılan, 500 eksponatla fəaliyyətə başlayan Şəhidlər Muzeyinin adı 2000-ci il avqustun 8-də dəyişdirilərək “Xatirə Muzeyi” adlandırılıb. Hazırda burada 2000-dən çox eksponat var. Muzeyin ekspozisiyası xronoloji ardıcıllıqla qurulub. 1918-ci il 31 mart, 1990-cı il 20 Yanvar, 1992-ci il 26 fevral faciələri ilə bağlı ulu öndər Heydər Əliyevin imzaladığı sərəncamların surətləri qiymətli sənədlər kimi muzeydə xüsusi yerə malikdir.
Vurğulanıb ki, muzeydə ermənilərin Bakıda, Şamaxıda, Qarabağda, Naxçıvanda və digər bölgələrimizdə törətdikləri soyqırımlarını əks etdirən tarixi sənədlər, şəkillər, hadisələri tarixi faktlarla oxuculara çatdıran qiymətli kitablar var.
Daha sonra “Naxçıvan” Universitetinin Xarici dillər kafedrasının müəllimi Elmira Hüseynova tərəfindən Xocalı soyqırımının 28-ci ildönümünə həsr olunmuş dərs keçilib.
Sonda tələbələrin sualları cavablandırılıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib