Bakı, 17 fevral, AZƏRTAC

Vergi Məcəlləsində edilmiş dəyişikliyə əsasən, pərakəndə satış obyektlərində vergiödəyicisi tərəfindən alınmış mallar geri qaytarıldığı halda, malları qaytaran alıcı tərəfindən malları təqdim edən qarşı tərəfə malların qaytarılması barədə elektron qaimə-faktura təqdim olunur.
İqtisadiyyat Nazirliyi yanında Dövlət Vergi Xidmətindən AZƏRTAC-a bildirilib ki, malların qaytarılması zamanı tərtib edilən elektron qaimə-fakturada malların keyfiyyətsiz və ya xarab olması, son istehlak müddətinin bitməsi, yaxud satışa yararlı vəziyyətdə olması barədə qeydlər aparılmalıdır.