Region Liqası: Qusarın “Şahdağ” klubu Region Liqasında liderliyə yüksəlib
Qusar, 11 noyabr, Elxan Yusifli, AZƏRTAC
Qusarın “Şahdağ” futbol klubu Azərbaycan Region Liqasının III turunun oyunları çərçivəsində səfərdə inamlı qələbə qazanıb.
AZƏRTAC-ın bölgə müxbiri xəbər verir ki, Paytaxt və Şimal Zonası qrupunda “İrəvan” komandası ilə qarşılaşan qusarlılar 4:1 hesabı ilə qalib gəliblər. Bu, “Şahdağ”ın ardıcıl üçüncü qələbəsidir.
Qrupun digər oyunlarında “Xudat” Qubanın “Şahdağ” komandasına (2:3) uduzub, “Qusar” isə “Qardaşlar”ı 15:3 hesabı ilə məğlubiyyətə uğradıb. Qrupda turun sonuncu oyunu “Uğur” (Sumqayıt) və “Şirvanovka” (Qusar) komandaları arasında olacaq.
Paytaxt və Şimal Zonasında qrupa 9 xalla Qusarın “Şahdağ” klubu başçılıq edir. “Uğur” qələbə qazanacağı təqdirdə liderliyi qusarlılarla bölüşəcək.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib