Neft-qaz sektoruna 4 milyard manatadək vəsait yönəldilib
Bakı, 18 oktyabr, AZƏRTAC
Yanvar-sentyabr aylarında ölkənin neft-qaz sektoruna 3 milyard 799,4 milyon manat vəsait yönəldilib.
Dövlət Statistika Komitəsindən AZƏRTAC-a bildirilib ki, 9 ayda neft-qaz sektorunda 22 milyard 959,7 milyon manatlıq məhsul istehsal olunub. Sənayenin neft-qaz sektorunda məhsul istehsalı əvvəlki ilin eyni ayları səviyyəsində olub. Neft-qaz sektorunda istehsal olunmuş əlavə dəyər isə 1,1 faiz çoxalıb. Sənaye məhsulunun 69,9 faizi mədənçıxarma sektorunda istehsal olunub.
Sentyabrda sənaye məhsullarının istehsalçı qiymətləri əvvəlki ayla müqayisədə 4,3 faiz, o cümlədən mədənçıxarma sənayesi üzrə 5,5 faiz bahalaşıb.
Ötən ayın əvvəlinə iqtisadiyyatın neft sektorunda 34,7 min nəfər çalışıb. Yanvar-avqust aylarında neft sektorunda nominal əməkhaqqı isə 3 min 73,7 manat təşkil edib.
Azərbaycan neftinin qiyməti dəyişməyib
Dünya birjalarında neft ucuzlaşıb
“Şahdəniz” yatağından ümumilikdə 200 milyard kubmetr qaz hasil olunub
Dünya birjalarında neft bahalaşıb
Növbəti həftə 1 şəhər və 3 rayonda “Azəriqaz”ın “Açıq mikrofon” aksiyası keçiriləcək