Çində yeməkxanada baş verən partlayışda 6 nəfər ölüb, 15 nəfər yaralanıb
Pekin, 13 oktyabr, AZƏRTAC
Çinin Ciansu vilayətinin Usi şəhərində qəlyanaltıxanada baş verən qaz partlayışı nəticəsində 6 nəfər ölüb, 15 nəfər yaralanıb.
AZƏRTAC yerli KİV-lərə istinadla xəbər verir ki, hadisə yerli vaxtla saat 11:00 (Bakı vaxtı ilə 07:00) radələrində Sişan rayonunda baş verib.
Dərhal hadisə yerinə gələn xilasedicilər və təcili tibbi yardım briqadaları yaralıları xəstəxanalara çatdırıblar. Onlardan altısının həyatını xilas etmək mümkün olmayıb. Digər yaralıların vəziyyətinin sabit olduğu bildirilir.
Yerli hakimiyyət orqanlarının rəhbər şəxsləri hadisə yerinə baş çəkiblər.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır