Nyu-Cersi sakini iki ildən sonra lotereyada ikinci cekpotu da qazanıb
Vaşinqton, 23 sentyabr, AZƏRTAC
Nyu-Cersi ştatının sakini Freddi R. lotereyada 250 min dollar udub. O, bu uduşu ikinci dəfədir ki, qazanır. İki il bundan əvvəl Freddi ştatın “Platinum Diamond Spectacular” lotereyalarının birindən 2 milyon həcmində cekpota sahib olmuşdu.
AZƏRTAC xəbər verir ki, Freddinin sözlərinə görə, adəti üzrə aldığı lotereya biletləri son zamanlar ona heç bir uğur gətirmirdi. Bu səbəbdən o, digər lotereya biletindən bir neçəsini almaq qərarına gəlib.
Tale onun üzünə ikinci dəfə gülüb. Biletlərdən biri ona əsas mükafatı – 250 min dolları qazandırıb. Lotereya uduşlarına vergi çox yüksək olduğundan (məbləğin 50-60 faizi) Freddiyə 115 min dollar qalacaq. Qalib bu vəsaiti təqaüdü üçün saxlayacağını bildirib.
Yusif Babanlı
AZƏRTAC-ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır