Estoniyanın təşəbbüsçüsü olduğu Dünya Təmizlik Günündə 17 milyon nəfər iştirak edib
Tallinn, 22 sentyabr, AZƏRTAC
Bu həftə sonu dünyanın hər yerində milyonlarla insan BMT-nin elan etdiyi Dünya Təmizlik Günündə yaşadığı ərazilərin təmizlənməsi üçün keçirilən aksiyalara qatılıb.
AZƏRTAC xəbər verir ki, 2008-ci ildə Estoniyada elan olunan bu gündə 50 min könüllü beş saat ərzində ölkə ərazisinin tullantılardan təmizlənməsi aksiyasında iştirak etmişdi. Bundan sonra BMT həmin günü əbədiləşdirib. Həmin gün on minlərlə insan yaşadıqları ərazini, çimərlikləri, gölləri, yaşıllıqları tullantılardan təmizləyir. Toplanan tullantılar isə təkrar emala göndərilir.
BMT-nin 2018-ci il göstəricilərinə əsasən, istehsal olunan 9 ton plastikin cəmi 9 faizi təkrar emala yönləndirilir, qalanları isə atıq şəklində tullanılır. Aksiyanın miqyası Asiya sahillərindən Havay adalarınadək geniş ərazini əhatə edir. Ümumilikdə aksiyada 17 milyondan çox insan iştirak edib.
Estoniyada da bu il ötən ildəkindən iki dəfə çox - 22 min insan iştirak edib. Bu dəfə əsas diqqət kiçik həcmli tullantılara yönəlib. Ümumilikdə, 270 kiloqram tullantı toplanaraq təkrar emala göndərilib. Aksiyada əsasən uşaqlar və yaşlılar iştirak ediblər.
Aygün Əliyeva
AZƏRTAC-ın xüsusi müxbiri
Tallin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır