Yuta ştatında avtobus qəzaya uğrayıb: ölənlər və yaralananlar var
Vaşinqton, 21 sentyabr, AZƏRTAC
Yuta ştatında turist avtobusunun aşması nəticəsində azı dörd nəfər həlak olub, 20-dən çox adam yaralanıb.
AZƏRTAC xəbər verir ki, ştatın hakimiyyət orqanlarının sözlərinə görə, avtobusda sürücü ilə birlikdə 30 nəfər olub. Dairə şərifinin mətbuat katibi Deniz Dastrupun sözlərinə görə, avtobus SR-12 magistralında Brays-Kanyon Milli Parkının yanında aşıb.
Yerli xəstəxananın müdiriyyəti bildirib ki, bu qəzadan sonra 22 pasiyent xəstəxanaya düşüb. Onlardan üç nəfəri böhranlı, 11 nəfəri ağır vəziyyətdə olub. Yuta polisinin məlumatına görə, avtobus çinli turistləri Brays-Kanyona aparırmış.
Çinin ABŞ-dakı səfirliyinin bəyanatında deyilir: “Yuta ştatında çinli turistləri daşıyan avtobusun qəzaya uğramasından kədərlənmişik. Səfirlik regiona öz nümayəndələrini göndərib. Zərərçəkənlərə kömək göstəriləcək”.
Polis qəzanın hansı şəraitdə baş verməsini hələ aydınlaşdırmayıb.
Yusif Babanlı
AZƏRTAC–ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır