Azərbaycan Dövlət
İnformasiya Agentliyi

A
A
A
Sazlamalar

Ucar və Zərdab rayonlarının bir neçə yaşayış məntəqəsində qaz təchizatı dayandırılacaq

Bakı, 12 sentyabr, AZƏRTAC

Sentyabrın 13-də saat 09:00-dan Qaz İxrac İdarəsinin balansında olan yeni çəkilmiş yüksək təzyiqli qaz xəttinin mənbəyə birləşdirilməsi işləri icra olunacaq. Bu müddət ərzində Ucar və Zərdab rayonlarının bir neçə yaşayış məntəqəsində qaz təchizatı dayandırılacaq.
“Azəriqaz” İstehsalat Birliyindən AZƏRTAC-a bildirilib ki, saat 09:00-dan orta təzyiqli yeraltı qaz xətti üzərində qaz tənzimləyicisinin quraşdırılması ilə bağlı Cəlilabad rayonunun bir hissəsi və 10:00-dan aşkar olunmuş qaz sızmalarının ləğvi ilə əlaqədar Lənkəran rayonunun bir hissəsində qazın verilişinə fasilələr tətbiq ediləcək.

Regionlar 2019-09-12 18:42:00