Bakı, 10 sentyabr, AZƏRTAC

Avqustun 1-nə ölkədə 7,38 milyon ədəd ödəniş kartı emissiya edilib.
AZƏRTAC xəbər verir ki, bu barədə Maliyyə Bazarlarına Nəzarət Palatasının Maliyyə bazarlarının infrastrukturuna nəzarət idarəsinin rəisi Tamerlan Rüstəmov deyib.
O bildirib ki, ödəniş kartları ilə ölkə daxilində olan əməliyyatların ümumi həcmi isə 11,9 milyard manat təşkil edib: “Ödəniş kartları ilə aparılan ölkədaxili əməliyyatların 21 faizi (2,5 milyard manat) nağdsız əməliyyatlardır. Ölkədə elektron ticarət vasitəsilə aparılan ödəniş əməliyyatlarının həcmi 5,9 dəfə artaraq 1,66 milyard manata çatıb”.