Misirin tanınmış teleaparıcısı artıq çəkili qadınları təhqir etdiyinə görə efirdən kənarlaşdırılıb
Qahirə, 25 avqust, AZƏRTAC
Misirin tanınmış teleaparıcısı Riham Səid çəkisi artıq olan qadınları təhqir etdiyinə görə efirdən kənarlaşdırılıb.
AZƏRTAC yerli KİV-ə itinadla xəbər verir ki, aparıcının efirdən kənarlaşdırılması barədə qərarı Misirin Teleradio yayımı üzrə Ali Şurası verib.
Qeyd olunur ki, “Al Hayat” telekanalının yayımladığı “Sabaya” verilişində Riham Səid deyib ki, “kök qadınlar öz qadınlıqlarının bir hissəsini itirirlər, onlar həm ailələrinə, həm də dövlətə yük olurlar və onlara baxmaq xoş olmur”. Tanınmış aparıcının bu sözləri ictimaiyət arasında böyük narazılığa səbəb olub.
Efirdən kənarlaşdırılan aparıcı “facebook”dakı hesabı vasitəsilə videobəyanatla çıxış edərək onun sözlərinin təhrif olunduğunu, düz başa düşülmədiyini bildirərək tamaşaçılardan üzr istəyib və işdən ayrıldığını deyib.
Asya Hacızadə
AZƏRTAC-ın xüsusi müxbiri
Qahirə
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır