Qubanın Çiçi bələdiyyəsi ərazisində baş verən yanğın söndürülüb
Quba, 25 avqust, Elxan Yusifli, AZƏRTAC
Avqustun 24-dən Quba rayonunun Çiçi bələdiyyəsi ərazisində başlayan yanğın söndürülüb.
Quba Rayon İcra Hakimiyyəti başçısının müavini Xanlar Heybətov AZƏRTAC-ın bölgə müxbirinə bildirib ki, 15 hektara yaxın ərazini əhatə edən yanğın nəticəsində əsasən quru ot və kol-kos yanıb. Yanğının meşə ərazisinə keçməsinin qarşısı alınıb.
Xanlar Heybətov qeyd edib ki, çətin relyefli, dağlıq ərazidə baş verən yanğının söndürülməsində Fövqəladə Hallar Nazirliyinin Dövlət Yanğından Mühafizə Xidmətinin və Mülkü Müdafiə Qoşunlarının şəxsi heyəti, yerli icra qurumlarının, hüquq-mühafizə orqanlarının nümayəndələri yaxından iştirak ediblər.
Çətin relyefli, dağlıq ərazidə baş verən yanğının söndürülməsi işləri bu gün səhər saatlarında başa çatdırılıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib