Rusiyanın “Soyuz-2.1a” raketi kosmik fəzaya buraxılıb VİDEO
Bakı, 22 avqust, AZƏRTAC
Avqustun 22-də Bakı vaxtı ilə saat 07:38-də Qazaxıstandakı Baykonur kosmodromundan Rusiyanın “Soyuz-2.1a” raketi kosmik fəzaya buraxılıb. AZƏRTAC TASS agentliyinə istinadla xəbər verir ki, raketin daşıdığı “Soyuz MS-14” gəmisinin göyərtəsində “Fyodor” adlı antropomorfik robot var.
Rusiyanın Uçuşların İdarəedilməsi Mərkəzinin məlumatına görə, Beynəlxalq Kosmik Stansiyaya uçan kosmik gəminin göyərtəsində robotla yanaşı, müxtəlif çeşidli yük də var. Buraxılış vaxtı robot mütəmadi olaraq raketin vəziyyəti barədə Yerə məlumat ötürüb. Moskva vilayətində yerləşən kosmik mərkəzdən bildiriblər ki, Soyuz MS-14” gəmisinin günəş batareyaları plana uyğun olaraq işə düşüb.
Kosmik gəminin Beynəlxalq Kosmik Stansiyaya uçuşu iki sutkalıq sistem üzrə həyata keçiriləcək. Onun stansiyaya birləşməsi isə avqustun 24-nə nəzərdə tutulub.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır