İtaliya parlamentinin aşağı palatası fəaliyyətini dayandırıb
Bakı, 21 avqust, AZƏRTAC
İtaliya parlamentinin aşağı palatası fəaliyyətini dayandırıb.
AZƏRTAC ANSA agentliyinə istinadla xəbər verir ki, deputat fraksiyalarının rəhbərləri istefa verən ölkənin Baş naziri Cüzeppe Kontenin planlaşdırılan çıxışını ləğv etmək qərarına gəliblər.
“Deputatlar istefa faktını elan etmək üçün formal iclas keçirəcək. Parlament üzvlərinin sayının azaldılması barədə qanun layihəsinin müzakirəsi də hökumət böhranı ilə əlaqədar təxirə salınıb”, - deyə bəyanatda bildirilir.
Xatırladaq ki, İtaliyanın Baş Naziri Cüzeppe Konte avqustun 20-də istefa barədə qərarını açıqlayıb. Onu bu addımı atmağa Daxili İşlər naziri və Baş Nazirin müavini Matteo Salvininin avqustun 8-də hakim çoxluğun mövcud olmadığı, həmçinin yeni seçkilərin keçirilməsinin zəruriliyi barədə bəyanatı vadar edib.
Ölkə prezidenti Serco Mattarellanın avqustun 21-də parlamentdə yeni hökuməti dəstəkləyəcək alternativ çoxluğun formalaşdırılması imkanlarını aydınlaşdırmaq üçün siyasi məsləhətləşmələrə başlayacağı bildirilir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır