Fransa Avropa İttifaqının Rusiyaya qarşı sanksiyalarının məhdudlaşdırılmasında flaqman rolunu oynaya bilər
Bakı, 20 avqust, AZƏRTAC
Avqustun 19-da Rusiya Prezidenti Vladimir Putin və Fransa Prezidenti Emmanuel Makronun görüşü olub. Fransa Prezidentinin Breqanson iqamətgahında keçirilən görüş 3 saatdan çox davam edib.
AZƏRTAC RİA informasiya agentliyinə istinadla xəbər verir ki, prezidentlərin görüşünün nəticələri müzakirə olunub.
Qeyd olunub ki, E.Makron görüşdən əvvəl “Normand dördlüyü”nün (Rusiya, Fransa, Almaniya, Ukrayna) sammitinin təşkili ilə bağlı fikirlərini bildirib. V.Putin isə öz növbəsində, bu formatın alternativinin olmadığını diqqətə çatdırıb.
Dövlət Dumasının beynəlxalq məsələlər komitəsinin sədri Leonid Slutski prezidentlərin görüşünü ikitərəfli münasibətlərin, eləcə də müasir dünya siyasətində münaqişəli məsələlərin həllində bir addım kimi qiymətləndirib. Rusiya rəsmisi bildirib ki, görüşdə həm də Suriya və Liviya münaqişəsinin nizama salınması, “normand dördlüyü” formatının fəallaşdırılması üçün Ukraynanın cənub-şərqində konfliktin həll olunması məsələləri də müzakirə olunub.
L.Slutskinin sözlərinə görə, Fransa Avropanın qabaqcıl ölkələrindən biri kimi Avropa İttifaqının Rusiyaya qarşı sanksiyalarının məhdudlaşdırılması istiqamətində flaqman rolunu oynaya bilər.
O xatırladıb ki, “Böyük Avropa” konsepsiyasının yaranması ideyası Fransanın sabiq Prezidenti, 1969-1979-cu illərdə ölkəyə rəhbərlik etmiş Şarl de Qollun dövrünə təsadüf edir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır