Gürcüstanda bəzi ərzaq məhsullarında kimyəvi boyaq maddələri aşkar olunub
Tbilisi, 16 avqust, AZƏRTAC
Gürcüstanda istehsal olunan bəzi qida məhsullarında insan orqanizmi üçün təhlükəli kimyəvi boyaq maddələri aşkar olunub.
AZƏRTAC xəbər verir ki, Gürcüstanın Strateji Araşdırma və İnkişaf Mərkəzi ərzaq məhsullarının keyfiyyətini araşdırıb.
Araşdırma zamanı yerli mağazalarda satılan tomat sousu, qırmızı txemali və ədviyyat məhsullarında “Sudan I” kimyəvi boyaq maddəsi aşkar olunub.
Gürcüstanın Strateji Araşdırma və İnkişaf Mərkəzi həmin qida məhsullarının insan sağlamlığı üçün təhlükəli olduğunu bəyan edib və istehlakçıları altı konkret məhsuldan imtina etməyə çağırıb.
Gürcüstanın Milli Qida Agentliyi də öz növbəsində əlavə laborator yoxlamalar keçirəcəyini bildirib.
Qadağan olunmuş sintezləşdirilmiş boyaq maddəsinin müəyyən olunması məqsədilə nümunələr Latviyanın “Biori” laboratoriyasına göndəriləcək.
Məlumat üçün qeyd edək ki, “Sudan I” qrupuna daxil olan qeyri-qida boyaq maddələri dizel yanacağının istehsalı, parçaların və ya laboratoriyalarda preparatların boyanması üçün istifadə olunur.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır