A321 təyyarəsinin məcburi enişi zamanı zərər çəkənlərin sayı 74-ə çatıb
Bakı, 15 avqust, AZƏRTAC
“Ural Hava Yolları”na məxsus A321 təyyarəsinin Moskva ətrafında sərt enişi nəticəsində zərər çəkənlərin sayı 74 nəfərə çatıb.
AZƏRTAC Rusiya KİV-lərinə istinadla xəbər verir ki, xəsarət alanlardan biri xəstəxanaya yerləşdirilib.
Göyərtəsində 226 sərnişin və 7 heyət üzvü olan A321 Moskva-Simferopol reysini yerinə yetirirdi. Təyyarə havaya qalxan anda qağayı sürüsü ilə toqquşub. Quşların mühərriklərə düşməsi onların işində nasazlıq yaradıb. Pilotlar Ramensk rayonunun Rıbınsk kəndi yaxınlığındakı qarğıdalı tarlasına təcili eniş etmək qərarına gəliblər. Təyyarə yığılmış şassilər və sönmüş mühərriklərlə uğurlu eniş edib.
Hadisə ilə əlaqədar cinayət işi başlanıb və təhqiqat aparmaq üçün xüsusi komissiya yaradılıb. Rusiya Prezidentinin mətbuat katibi Dmitri Peskov bildirib ki, yaxın vaxtlarda laynerin pilotları dövlət mükafatlarına təqdim olunacaq. Kremldə onları qəhrəman hesab edirlər.
“Ural Hava Yolları” şirkətindən verilən məlumata görə, təyyarə istifadəyə yararsız vəziyyətə düşüb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır