Hindistanın İrandakı səfirliyi qarşısında aksiya keçirilib
Tehran, 9 avqust, AZƏRTAC
İranlı tələbələr Hindistanın nəzarəti altında olan Kəşmir məntəqəsində müsəlmanların qətlə yetirilməsinə etiraz olaraq, bu gün həmin ölkənin Tehrandakı səfirliyi önündə aksiya keçiriblər.
AZƏRTAC xəbər verir ki, əllərində plakatlar tutmuş aksiyaçılar Yeni-Dehlinin müsəlmanlara qarşı hərəkətlərini pisləyiblər. Onlar bu siyasətin dayandırılmasını tələb ediblər.
İranlı tələbələr, habelə beynəlxalq təşkilatların Hindistanın nəzarəti altında olan Kəşmir məntəqəsindəki müsəlmanların vəziyyətinə diqqət ayırmağı tələb ediblər. Qeyd olunub ki, Hindistan uzun illərdir Kəşmirin bəzi məntəqələrini öz nəzarəti altına alıb və on minlərlə müsəlman həlak olub.
Kəşmir əhalisi bölgənin statusunun təyin edilməsi üçün referendumun keçirilməsi haqda BMT Təhlükəsizlik Şurası qətnamələrinin icra edilməsini istəyir. Hindistan hökuməti isə daim bu fikirlərə qarşı çıxır.
Rabil Kətanov
AZƏRTAC-ın xüsusi müxbiri
Tehran
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır