Bakı, 24 iyul, AZƏRTAC

Samux rayonu ərazisində yerləşən orta təzyiqli yeraltı qaz xəttində sızma aşkarlanıb və onun ləğvi üçün zəruri tədbirlərin görülməsinə başlanılıb. Görüləcək təmir işlərinə görə, bu gün saat 09:00-dan işlər bitənə qədər Samux rayonunun 10 yaşayış məntəqəsinin təbii qaz təchizatı dayandırılıb. Ağsu rayonunda da eyni səbəbdən təmir işləri aparılacaq və rayonun 9 kəndində saat 09:00-dan 18:00-dək qaz təchizatı dayandırılıb.
AZƏRTAC xəbər verir ki, bu barədə “Azəriqaz” İstehsalat Birliyi məlumat yayıb.