Quba, 17 iyul, Elxan Yusifli, AZƏRTAC

Qubada bazardan oğurluq edən rayon sakini saxlanılıb.
Daxili İşlər Nazirliyinin mətbuat xidmətinin Quba regional qrupundan AZƏRTAC-ın bölgə müxbirinə verilən məlumata görə, Quba rayon sakini Ehtiram Talıbov rayon polis şöbəsinə (RPŞ) müraciət edərək gecə saatlarında bazar ərazisinə satmaq üçün gətirdiyi mövsümü meyvələrin oğurlandığı barədə məlumat verib.
Məlumatla əlaqədar RPŞ-də dərhal əməliyyat qrupu yaradılıb. Oğurluq hadisəsini törədən rayon sakini 22 yaşlı Əmrah Əmrahov əməliyyat-axtarış tədbirləri nəticəsində saxlanılıb. Dindirilmə zamanı həmin şəxs törətdiyi cinayət əməlini etiraf edərək, oğurladığı meyvələri dəyərindən ucuz qiymətə satdığını və əldə etdiyi pulları xərclədiyini bildirib.
Faktla bağlı Quba RPŞ-də araşdırmalar aparılır.