Ukraynanın televiziya kanalı Azərbaycan haqqında növbəti reportajını yayımlayıb
Kiyev, 17 iyul, AZƏRTAC
Ukraynanın populyar “5 kanal” televiziyası Azərbaycan haqqında növbəti reportajını yayımlayıb.
AZƏRTAC xəbər verir ki, reportajda Naftalan müalicəvi kurort turizm mərkəzi barədə geniş məlumat verilib. Qeyd edilib ki, bir çox xəstəliklərin müalicəsində istifadə olunan Naftalan nefti dünyada tanınır. Naftalanda xarici turistlərdən alınan müsahibələrdə onun üstünlüyü barədə tamaşaçılara geniş məlumat verilir.
Naftalanda yaradılan şəraitə heyran olan aparıcı Nadya Baziv insanların qonaqpərvərliyini xüsusi vurğulayıb.
Reportajda Azərbaycanın Ukraynadakı səfiri Azər Xudiyev Naftalan neftinin üstünlüklərindən danışıb, milli sərvətlərimizin xalqımızın rifahının inkişafına yönəldildiyini qeyd edib.
Emil Hüseynli
AZƏRTAC-ın xüsusi müxbiri
Kiyev
Şarl Mişel: Azərbaycanla Ermənistan arasında əldə olunmuş razılaşmanı alqışlayırıq
“Qazaxın 4 kəndinin danışıqlar yolu ilə azad edilməsi böyük həqiqətin növbəti təzahürüdür” - RƏY
İsveçin xarici işlər naziri Qazaxın kəndlərinin Azərbaycana qaytarılması ilə bağlı paylaşım edib