Litvanın Baş Naziri öz postunda qalacaq
Vilnüs, 10 iyul, AZƏRTAC
Litvanın Baş Naziri Saulyus Skvernyalis ölkənin yeni seçilmiş Prezidenti Qitanas Nauseda ilə görüşdən sonra öz postunda qalacağını açıqlayıb.
AZƏRTAC xəbər verir ki, iyulun 9-da ölkə prezidenti ilə görüşündən sonra jurnalistlərə açıqlamasında S.Skvernyalis dövlət başçısı ilə ölkədəki cari vəziyyəti, formalaşmış yeni koalisiya hökumətini müzakirə etdiklərini və birgə fəaliyyəti davam etdirmək qərarına gəldiklərini bildirib. O, həmçinin qeyd edib ki, Baş Nazir postunda qalması üçün prezident qarşısında hər hansı şərt qoymayıb.
Xatırladaq ki, Litvada keçirilən son prezident seçkilərində namizədlərdən biri də Saulyus Skvernyalis idi. Seçkiqabağı kampaniya dövründə o, məğlub olacağı təqdirdə Baş Nazir postundan istefa verəcəyini bəyan etmişdi. Lakin seçkilərdə hətta ikinci tura keçə bilməyən Baş Nazir yeni prezidentlə işləmək qərarına gəlib.
Aygün Əliyeva
AZƏRTAC-ın xüsusi müxbiri
Vilnüs
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır