Keçmiş konqresmen Co Sestak seçkiqabağı kampaniyaya başlayıb
Vaşinqton, 24 iyun, AZƏRTAC
Daha bir demokrat - Pensilvaniya ştatından olan keçmiş konqresmen Co Sestak 2020-ci ildə ABŞ-da keçiriləcək Prezident seçkilərində iştirak edəcəyini bildirib.
AZƏRTAC xəbər verir ki, ABŞ Hərbi Dəniz Qüvvələrinin istefada olan admiralı Co Sestak seçkiqabağı kampaniyasının saytında özünü “Admiral Co” kimi təqdim edir. Oval kabinetdə yet tutmaq uğrunda Prezident Donald Trampa meydan oxuyan 24 demokrata qoşulmuş Sestak seçkiqabağı kampaniyaya başlamasını bazar günü Vaterloo şəhərindəki (Ayova ştatı) Veteranlar Muzeyində elan edib.
Sestak Trampı qınayaraq bildirir ki, onun prezidentliyi dövründə Amerika dünyada lider mövqeyini itirib. Keçmiş konqresmen iqlim dəyişmələrinə qarşı mübarizə, korporasiyaların hesabat vermələri və Çin tərəfindən ABŞ-a geosiyasi təhdidlə əlaqədar qəti tədbirlər görməyə çağırır.
İki müddət Nümayəndələr Palatasında çalışmış Sestak ABŞ Senatına seçilməyə cəhd göstərib, lakin ümumi seçkilərdə Pet Tumiyə uduzub.
Yusif Babanlı
AZƏRTAC-ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır