Şri-Lankada fövqəladə vəziyyət rejimi daha bir ay uzadılıb
Bakı, 22 iyun, AZƏRTAC
Şri-Lanka prezidenti Maytripala Sirisena ölkədə silsilə terror aktlarından sonra elan edilən fövqəladə vəziyyət rejimini daha bir ay uzadıb.
AZƏRTAC “Ada Derana” internet-nəşrinə istinadla xəbər verir ki, dövlət başçısının imzaladığı deklarasiya prezident dəftərxanası tərəfindən dərc edilib. Sənəd iyunun 22-də qüvvəyə minib.
Şri-Lankanın hakimiyyət orqanları terror aktları seriyasından sonra polisə və orduya xüsusi səlahiyyət vermək üçün aprelin 22-də ölkədə fövqəladə vəziyyət rejimi tətbiq etmişdi. May ayının sonlarında rejimin müddəti uzadılmışdı.
Xatırladaq ki, aprelin 21-də pasxa bayramı zamanı Şri-Lankada törədilən silsilə partlayışlar nəticəsində təxminən 250 nəfər həlak olmuş, 500-dən çox insan yaralanmışdı. Hakimiyyət orqanları terror aktlarının məsuliyyətini “Tövhid camaatı” qruplaşmasının üzərinə qoymuşdu. Hücumların məsuliyyətini öz üzərinə götürən İŞİD qruplaşması isə bununla bağlı heç bir sübut təqdim etməmişdi.
Rəsmi məlumata əsasən, hazırda ada dövlətinin ərazisində İŞİD terror qruplaşmasının 130-140 üzvü fəaliyyət göstərir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır