Dünya Bankı Gürcüstanda təhsilin inkişafına 90 milyon avro vəsait ayıracaq
Tbilisi, 18 iyun, AZƏRTAC
Dünya Bankı Gürcüstanın təhsil sisteminin inkişafında iştirak edəcək. Bank bunun üçün Gürcüstana 90 milyon avro vəsait ayıracaq.
AZƏRTAC xəbər verir ki, bunu jurnalistlərə Gürcüstanın Baş Naziri Mamuka Baxtadze bildirib.
Onun sözlərinə görə, beynəlxalq maliyyə institutunun Gürcüstanda təhsil islahatlarını dəstəkləməsi olduqca əhəmiyyətlidir. Bu məbləğ təhsildə innovasiyalar, inklüzivlik və keyfiyyətin artırılmasını nəzərdə tutan layihələrə xərclənəcək. Layihə bütün ölkə vətəndaşlarının rifah halının yüksəldilməsinə kömək edəcək və məktəb müəllimləri, ali məktəb tələbələri və məktəbəqədər təhsil müəssisələrini əhatə edəcək.
M.Baxtadze deyib ki, layihədən yüksək dağlıq bölgələrdə təhsil alan tələbələr də yararlana biləcəklər.
“Layihə çərçivəsində etnik azlıqların sıx məskunlaşdığı bölgələrdə şagirdlərin dəstəklənməsi üçün də ayrıca proqram nəzərdə tutulub”, – deyə M.Baxtadze vurğulayıb.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır