Bakı, 25 may, AZƏRTAC 

Milli Məclisin deputatı Ülviyyə Ağayeva Avropa Şurası Parlament Assambleyasının Mədəniyyət komitəsinin iclasında iştirak etmək üçün mayın 30-dək Parisdə səfərdə olacaq.
Parlamentin mətbuat xidmətindən AZƏRTAC-a bildiriblər ki, iclasda yeni media mühitində media təhsili, rəqəmsal erada təhsilin rolu, texnologiyada və elmdə sürətli inkişafın etik aspektləri, yəhudi mədəni irsinin qorunması, Avropada universitetlərə muxtariyyətin və akademik azadlığın verilməsi və digər mövzularda müzakirələr aparılacaq.
Deputat müzakirə olunacaq məsələlərlə bağlı çıxış edəcək.