Naxçıvanda IV “Heydər Əliyev kuboku” turnirinə start verilib
Naxçıvan, 20 may, AZƏRTAC
Ümummilli lider Heydər Əliyevin anadan olmasının 96-cı ildönümünə həsr olunmuş futbol üzrə IV “Heydər Əliyev kuboku” turnirinə start verilib.
AZƏRTAC-ın Naxçıvan bürosu xəbər verir ki, ənənəvi olaraq keçirilən turnirin ilk günündə “Araz-Naxçıvan” və MOİK komandaları üz-üzə gəlib. Görüşün ilk hissəsində rəqibi iki dəfə mərkəzə dəvət edən Naxçıvan komandası sonda meydanı 3:2 hesab ilə məğlubiyyətə uğrayıb.
Günün ikinci qarşılaşmasında “Şüvəlan” və “Arpaçay” komandaları üz-üzə gəlib. Oyun Bakı klubunun qələbəsi ilə başa çatıb.
Mayın 21-də ikinci turun oyunları keçiriləcək. Saat 11:00-da “Şüvəlan” və “Araz-Naxçıvan” komandaları qarşılaşacaq. 17:30-da isə “Arpaçay” MOİK komandasını sınağa çəkəcək.
Qeyd edək ki, turnirə mayın 23-də yekun vurulacaq. Həmin gün oyundan əvvəl Naxçıvan Muxtar Respublika Stadionunda möhtəşəm konsert proqramı təşkil olunacaq.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib