Filippində 6,4 bal gücündə daha bir zəlzələ olub
Tokio, 23 aprel, AZƏRTAC
Aprelin 23-də yerli vaxtla saat 13:11 dəqiqədə Filippinin mərkəzində yerləşən Samar adasında 6,4 bal gücündə zəlzələ olub.
AZƏRTAC xəbər verir ki, bu barədə ABŞ Geoloji Xidməti məlumat yayıb. Yeraltı təkanların episentri bir gün əvvəl baş vermiş zəlzələdən 375 mil cənub-şərqdə, ocağı 59 kilometr dərinlikdə yerləşib.
Dağıntılar və zərərçəkənlər barədə hələlik məlumat verilmir. Sunami təhlükəsi elan edilməyib.
Bir gün əvvəl Luson adasında baş verən zəlzələ nəticəsində isə həlak olanların sayının 11-ə çatdığı bildirilir.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır