Gürcüstanın Prezident Administrasiyasının rəhbəri yaxın günlərdə vəzifəsindən gedəcək
Tbilisi, 20 aprel, AZƏRTAC
Gürcüstanın Prezident Administrasiyasının rəhbəri Laşa Jvania mayın 1-dən vəzifəsindən gedəcək.
AZƏRTAC xəbər verir ki, L.Jvania bu barədə özünün “Facebook” səhifəsində yazıb.
O mayın 1-dən fəaliyyətini Gürcüstan patriarxlığında davam etdirəcək.
L.Jvania vəzifəsindən azad olunması ilə bağlı Prezident Salome Zurabişviliyə mart ayında müraciət edib. Dövlət başçısı onun mayın 1-dən etibarən vəzifəsini tərk etməsi barədə qərar verib.
Məlumat üçün qeyd edək ki, L.Jvania 2018-ci ilin dekabrında Gürcüstan Prezident Administrasiyasının rəhbəri təyin olunub. O, bundan əvvəl Gürcüstan Patriarxlığı Fonduna rəhbərlik edib.
Xətayi Əzizov
AZƏRTAC-ın xüsusi müxbiri
Tbilisi
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır