AFR-in hökumət təyyarəsi ilə bağlı növbəti fövqəladə hadisə baş verib
Berlin, 17 aprel, AZƏRTAC
Bundesverin uçuş xidmətinin Nazirlər Kabineti üzvlərini, federal prezidenti və bundestaqın rəhbərliyini daşıyan hava laynerinin plan üzrə keçirilən texniki uçuş zamanı növbəti dəfə fövqəladə hadisə baş verib.
AZƏRTAC xəbər verir ki, “Bombardier Global 5000” hava gəmisinin sistemlərindən birinin işində nasazlıq aşkar edilib. Bundan sonra heyət idarə etdikləri təyyarəni Şönefeld aeroportuna endirmək qərarını qəbul edib. Təbii ki, yoxlama uçuşu zamanı təyyarədə sərnişin olmayıb.
Almaniya Hərbi Hava Qüvvələrinin nümayəndəsi jurnalistlərə bildirib ki, təyyarəni nəzarət rejimində endirmək praktik olaraq mümkün deyildi. Eniş zamanı təyyarənin hər iki qanadı uçuş-enmə zolağına dəyib. AFR-in müdafiə naziri Ursula fon der Lyayen bildirib ki, heyət əsl qəhrəmanlıq göstərərək çox mürəkkəb şəraitdə təyyarəni endirib və bununla faciənin qarşısı alınıb.
Hazırda təyyarə texniki yoxlamadan, heyət üzvləri isə ölkənin Müdafiə Nazirliyinin klinikasında tibbi müayinədən keçirlər.
Vüqar Seyidov
AZƏRTAC-ın xüsusi müxbiri
Berlin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır