Çində partlayış və yanğın nəticəsində ölənlərin sayı 78-ə çatıb
Pekin, 25 mart, AZƏRTAC
Çinin Ciansu vilayətində kimyəvi məhsullar istehsal edən zavodda baş verən partlayış və ardınca yaranan yanğın nəticəsində ölənlərin sayı 78-ə çatıb.
AZƏRTAC xəbər verir ki, texnogen fəlakət nəticəsində yaralananlardan 604-ü hələ də xəstəxanalarda həkim nəzarətindədir. Onlardan 19-nun vəziyyəti kritik olaraq qalır. Mütəxəssislər mümkün qaz sızması ilə bağlı ərazidə araşdırmalar aparırlar. Hadisə ilə əlaqədar ətrafdakı məktəblərdə təxirə salınan dərslər martın 25-dən bərpa olunub.
Çin Dövlət Şurasının (Nazirlər Kabineti) qərarı ilə ölkədə kimya sənayesi müəssisələrində yoxalamalara başlanılıb.
Qeyd edək ki, martın 21-də Yançen şəhərində zavodda baş verən partlayışdan sonra yaranan yanğın ətrafdakı 16 müəssisəyə keçərək ciddi zərərə səbəb olub.
Şahin Cəfərov
AZƏRTAC-ın xüsusi müxbiri
Pekin
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır