Qubalı məktəbli: Masallıda keçirilən Bahar festivalında Novruz sevincini yaşadıq
Masallı, 18 mart, Bağır Əliyev, AZƏRTAC
Cənub bölgəsinə səfərin üçüncü günü Masallı rayonuna səyahət zamanı şəhərdəki “ASAN Həyat” kompleksində Novruz bayramı münasibətilə təşkil edilmiş Bahar festivalında biz də iştirak etdik. Bahar festivalında Novruz sevincini yaşadıq.
Bu sözləri Quba şəhərindəki 4 nömrəli tam orta məktəbin X sinif şagirdi Türkan Umudova AZƏRTAC-ın bölgə müxbirinə verdiyi müsahibəsində bildirib.
“ASAN Həyat” kompleksinin həyətində xalqımızın Novruz adət-ənənələrini özündə əks etdirən sərgilər, guşələr, milli personajların iştirakı ilə bayram tamaşaları, konsert proqramları, pəhləvan və kəndirbazların oyunları, Kosa və Keçəlin duzlu-məzəli zarafatları, idmançıların çıxışları bizə bayram ovqatı bəxş etdi. Masallının gözəl təbiəti, tarix və mədəniyyət abidələri, rayonun sosial-iqtisadi inkişafı, əvəzolunmaz milli mətbəxi, milli adət-ənənələri, ən başlıcası rayonda yaşayan insanların mehribanlığı və səmimiyyəti şagirdlər tərəfindən böyük razılıq hissi ilə qarşılanıb. Ölkəmizin bu gözəlliklərini bizə tanımağa imkan yaradan bütün insanlara minnətdarlıq edirəm”, - deyə T.Umudova vurğulayıb.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib