Bakı, 26 fevral, AZƏRTAC

Xocalı soyqırımı öz vəhşiliyinə və qəddarlığına görə insanlığa qarşı törədilmiş ən dəhşətli faciələrdən biri kimi tarixə düşüb. 1992-ci ilin fevral gecəsi Ermənistan silahlı birləşmələri sovet ordusundan qalan 366-cı alayın köməyi və iştirakı ilə Xocalı sakinlərinə qarşı dəhşətli soyqırımı aktı törədiblər.
Bu sözləri AZƏRTAC-a müsahibəsində Bakı şəhər sakini Cəfərli Elgün deyib.
O bildirib ki, Xocalıda bir gecənin içində dinc, silahsız insanlara amansız divan tutulub. Bütün bunlar Azərbaycan xalqının tarixində erməni faşistlərinin insan təfəkkürünə sığmayan vəhşiliklərinin qanlı izidir.