Azərbaycan-Xorvatiya münasibətlərinin inkişaf perspektivləri müzakirə olunub
Zaqreb, 22 fevral, AZƏRTAC
Azərbaycanın Xorvatiyadakı səfiri Fəxrəddin Qurbanov bu ölkənin Baş naziri Andrey Plenkoviç ilə görüşüb.
AZƏRTAC xəbər verir ki, görüşdə Azərbaycan-Xorvatiya münasibətlərinin uğurla inkişaf etdiyi bildirilib. Bütün sahələrdə qarşılıqlı əməkdaşlığın mövcudluğu qeyd olunub.
Həmçinin iqtisadi-ticari əlaqələrin şaxələndirilməsi istiqamətində Azərbaycan və Xorvatiya hökumətləri arasında iqtisadi əməkdaşlıq üzrə Birgə Komissiyanın əhəmiyyəti vurğulanıb, növbəti iclasın keçirilməsi ilə bağlı aparılan işlər müzakirə edilib.
Söhbət zamanı qarşılıqlı maraq doğuran digər məsələlər ətrafında fikir mübadiləsi aparılıb.
İqbal Hacıyev
AZƏRTAC-ın xüsusi müxbiri
Zaqreb
Şarl Mişel: Azərbaycanla Ermənistan arasında əldə olunmuş razılaşmanı alqışlayırıq
“Qazaxın 4 kəndinin danışıqlar yolu ilə azad edilməsi böyük həqiqətin növbəti təzahürüdür” - RƏY
İsveçin xarici işlər naziri Qazaxın kəndlərinin Azərbaycana qaytarılması ilə bağlı paylaşım edib