Şimali Koreyanın nümayəndə heyəti ABŞ-KXDR sammiti ilə bağlı Hanoya yollanıb
Bakı, 15 fevral, AZƏRTAC
Şimali Koreyanın 12 nəfərdən ibarət rəsmi nümayəndə heyəti Vyetnamda keçiriləcək ABŞ-KXDR sammiti astanasında Hanoy şəhərinə yola düşüb.
AZƏRTAC Yonhap agentliyinə istinadla xəbər verir ki, Vyetnamın paytaxtına yollanan rəsmi şəxslər arasında KXDR lideri Kim Çen Inın aparat rəhbəri Kim Çan Son da var.
Pekinin Şoudu aeroportuna enən nümayəndə heyətinin fevralın 17-də Hanoy şəhərinə gələcəyi gözlənilir. Burada onlar amerikalı nümayəndələrlə ABŞ-KXDR sammitinə hazırlığın detallarını müzakirə edəcəklər.
Xatırladaq ki, ABŞ və KXDR arasında ilk sammit iyulun 12-də Sinqapurda baş tutmuşdu. Donald Tramp və Kim Çen In sammitin nəticələrinə əsasən, birgə bəyanat imzalamışdı. Pxenyan Koreya yarımadasının tam nüvəsizləşdirilməsinə hazır olduğunu bildirmiş, Birləşmiş Ştatlar isə buna cavab olaraq KXDR-ə təhlükəsizlik zəmanət vəd etmişdi.
Ötən həftə isə ABŞ Prezidenti Donald Tramp yüksək səviyyəli ikinci görüşün fevralın 27-28-də Vyetnamın paytaxtı Hanoy şəhərində keçiriləcəyini bildirib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır