İranda törədilən terror aktında ölənlərin sayı 41 nəfərə çatıb
Tehran, 14 fevral AZƏRTAC
İranın Sistan-Bəlucistan bölgəsində törədilən terror aktı zamanı həlak olanların sayı artaraq 41 nəfərə çatıb.
AZƏRTAC xəbər verir ki, terrorçular İran İslam İnqilabının Keşikçiləri Korpusunun əsgərlərini daşıyan avtobusu partladıblar. Əsgərlərlə yanaşı, avtobusda bir neçə zabit də olub. Həş-Zahidan yolu ilə hərəkət edən avtobus terrorçu kamikadze tərəfindən partladılıb. Yayılan xəbərlərə görə terror aktına görə məsuliyyəti “Ceyşul-Ədl” qruplaşması öz üzərinə götürüb.
Hadisə yerinə gələn təhlükəsizlik qüvvələrinin əməkdaşları bildiriblər ki, avtobusda 20 nəfər əsgər olub və onların hamısı ölüb. Həlak olan 21 nəfər isə mülki əhalidir.
Rabil Kətanov
AZƏRTAC-ın xüsusi müxbiri
Tehran
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır