Afina, 13 fevral, AZƏRTAC

Şimali Makedoniya hökuməti Yunanıstanla sazişə əsasən ölkənin adının dəyişdirilməsindən sonra tədbirlərə başlayıb. İlk olaraq hökumət binalarının üzərində və sərhəd-keçid məntəqələrində ölkənin adının yazılışları dəyişdirilir. Bütün tədbirlər başa çatdıqdan sonra ölkə hökumət BMT-nin katibliyini, üzv ölkələri və beynəlxalq təşkilatları ölkənin adının dəyişdirilməsi ilə bağlı məlumatlandıracaq.
Qeyd edək ki, Yunanıstanla Makedoniya 2018-ci ilin iyununda uzunmüddətli münaqişənin həlli kimi Makedoniyanın adının Şimali Makedoniya Respublikası adı ilə əvəz olunmasına dair saziş imzalayıb.

İqbal Hacıyev
AZƏRTAC-ın xüsusi müxbiri
Afina