Sumqayıt teatrı yanvarın son günlərində tamaşaçıların görüşünə üç əsərlə gəlir
Sumqayıt, 18 yanvar, Ətrabə Rzayeva, AZƏRTAC
Sumqayıt Dövlət Dram Teatrı son bir ildə tamaşaçıların teatra marağının artırılmasına yönəlmiş bir sıra yaradıcı layihələri sınaqdan keçirib və bu təcrübələr uğurlu nəticə verib. Teatr rəhbərliyinin təşəbbüsü ilə gerçəkləşən layihələr tamaşaçı- teatr münasibətlərinin səmimi məcraya istiqamətlənməsinə töhfə verir.
Teatrın direktoru, Əməkdar artist Mübariz Həmidov AZƏRTAC–a bildirib ki, hazırda C.Patrikin "Qarını öldürməliyik", T.Özakmanın “Ocaq”, N.Muradoğlunun “Zülmətdə nur” əsərləri əsasında hazırlanmış tamaşaların reklam çarxları əhalinin sıx olduğu yerlərdə nümayiş etdirilir. Bu tamaşaların hər birində yeniyetmə və gəncləri düşündürə biləcək mövzular qabardılır.
Reklam çarxlarının nümayişinin artıq öz bəhrəsini verməkdə olduğunu deyən M.Həmidov bildirib ki, ictimai nəqliyyatda yayımlanan videoçarxa Sumqayıt sakinlərinin reaksiyasını bilmək, eyni zamanda, teatrın sosial şəbəkə hesabları vasitəsilə tamaşaçı rəyini öyrənmək də repertuarın günün tələbinə uyğun qurulmasına kömək edir.
Qeyd edilib ki, yanvarın 26, 27 və 31–də saat 18:00-da Sumqayıt Dövlət Dram Teatrında "Qarını öldürməliyik", “Ocaq”, “Zülmətdə nur” tamaşaları göstəriləcək.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib